جيهان
ژمارەی ئەو کەسانەی لە بوومەلەرزەکەی دوێنێ ئەفغانستاندا گیانیان لەدەستدا هەزار کەسی تێپەڕاند
کارەکانی گەڕان و ڕزگارکردن لە ویلایەتی کونار-ی ئەفغانستان بەردەوامە، کە بەهۆی بوومەلەرزەکەوە زۆرترین زیانی بەرکەوتووە.
Ecem Şahinli Ögüç |
02.09.2025 - نوێکردنەوە : 02.09.2025
Ankara
جەلالئاباد - AA
ژمارەی ئەو کەسانەی لە ئاکامی ئەو بوومەلەرزەیەی دوێنێ بە گوڕی شەش پلە بە پێوەری ڕێختەر ویلایەتی کوناری ڕۆژھەڵاتی ئەفغانستانی هەژاند، گیانیان لەدەستداوە هەزار کەسی تێپەڕاندووە.
بەرپرسانی خۆجێی ئەفغانستان، زانیاری زیاتریان لەبارەی بوومەلەرزەکەی ڕۆژی یەکشەممەی ویلایەتی کونار بڵاوکردەوە.
بەرپرسان ڕایانگەیاند کە ژمارەی ئەو کەسانەی لە بوومەلەرزەکەدا گیانیان لەدەستداوە، لە هەزار کەس زیاترە و ژمارەی بریندارەکانیش گەیشتووەتە سێ هەزار کەس.
هەروەها باس لەوە کرا کە گواستنەوەی برینداران لە ناوچەکە بەردەوامە، لەبەرئەوە ڕەنگە ژمارەی قوربانیان گۆڕانکاری بەسەردا بێت.
کارەکانی گەڕان و ڕزگارکردن لە ویلایەتی کونار-ی ئەفغانستان بەردەوامە، کە بەهۆی بوومەلەرزەکەوە زۆرترین زیانی بەرکەوتووە.
