١٧ کەس بە هۆی هێرشی ئیسرائیل بۆ سەر لوبنان کوژران

بەیروت - AA

بە هۆی هێرشی ئاسمانی سوپای ئیسرائیل بۆ سەر باشووری لوبنان و هەروەها ناوچەی زاحییە لە بەیروت'ی پایتەخت، ١٧ کەس کوژران و دەیان کەسی دیکەش بریندار بوون.

ئاژانسی هەواڵی فەرمی لوبنان NNA بڵاوی کردەوە کە شەوی ڕابردوو فڕۆکە جەنگییەکانی ئیسرائیل ژمارەیەک ناوچەی لوبنان'یان بۆردومان کردووە.

بە گوێرەی ئەم هەواڵە، باشووری لوبنان و هەروەها ناوچەی زاحییە لە بەیروت'ی پایتەخت، دوو ئامانجی گرنگی سوپای ئیسرائیل بوون و بە چڕی بۆردومان کراون.

بە هۆی هێرشەکانەوە ١٧ کەس کوژراون و دەیان کەسیش بریندار بوون.