وەزارەتی دەرەوەی ئەمریکا کۆتایی بە راژەی ٢ هەزار و ٣٠٠ کارمەندی خۆی دەهێنێت

واشنتۆن - AA

ئەوە ئاشکرابوو کە وەزیری دەرەوەی ئەمریکا، رێکس تیلەرسن، راپۆرتی کۆتاییهێنان بە راژەی ٢ هەزار و ٣٠٠ کارمەندی ئامادەکردووە کە لەوەزارەتەکەی کاردەکەن.

ئاماژە بەوەدەکرێت، لەچوارچێوەی ئەو بڕینەی لە بوودجەی وەزارەتەکەیدا دەکرێت بۆ ساڵی داهاتوو، رێکس تیلەرسن کۆتایی بە راژەی ٢ هەزار و ٣٠٠ کارمەندی وەزارەتی دەرەوە دەهێنێت.

بەرپرسێکی وەزارەتەکە کە نەیویستووە ناوی ئاشکرابکرێت، لەلێدوانێکدا بۆ میدیای ئەمریکا، ئاماژەی بەوەکردووە کەمکردنەوەیەکی بەرچاو لە ژمارەی ئەو دیپلۆماتانەی لە وەزارەتەکە وەردەگیرێن، روودەدات و هەزاران کارمەندیش کۆتایی بە راژەکانیان دەهێنرێت.

کۆتاییهێنان بە راژەی ئەو ژمارە کارمەندە لە وەزارەتی دەرەوەی ئەمریکا کە نزیکەی ٧٥ هەزار کارمەندی هەیە، دەکاتە دوورخستنەوەی نزیکەی لەسەدا ٣ی کارمەندانی وەزارەتەکە.