واشنتۆن - AA

سەرۆکی ئەمریکا، دۆناڵد ترەمپ بانگەشەی ئەوەی کرد کە ڤێنزوێلا مافەکانی وزە و نەوتی ئەمریکای بە شێوەیەکی "نایاسایی" وەرگرتووە و، ڕایگه‌یاند: "ئەوانەمان دەوێتەوە".

لە لێدوانێکدا بۆ ڕۆژنامەنووسان لە فڕۆکەخانەی جۆینت بەیس ئەندروس، سەرۆکی ئەمریکا ترەمپ، هەڵسەنگاندنی بۆ زیادبوونی گوشارەکانی وڵاته‌كه‌ی لەسەر ڤێنزوێلا کرد.

ترەمپ هۆشداری دایە ڤێنزوێلا کە ڕێگە نادەن ئەو شتانە بکەن کە نابێت ئه‌نجامیان بده‌ن و، گوتی: "هەموو مافەکانی وزەیان له‌ده‌ست سه‌ندین. ماوەیەک لەمەوبەر هەموو نەوتی ئێمەیان بە شێوەیەکی نایاسایی وەرگرت".

ترەمپ ئاماژەی بەوە كرد ئه‌و کۆمپانیا ئەمریکییانه‌ی لە کەرتی نەوتی ڤێنزوێلادا کاریان دەکرد، دەرکراون و، گوتی: "مافەکانمان له‌ باره‌ی نەوت و هەموو شتێکمان کە هەیە بردیان، ئیدی ناتوانن ئەمە بکەن. ئێمە ئەوانەمان دەوێتەوە".