هێرشی ئیسرائیل بۆ سەر خاڵێکی حەماس لە کەرتی غەززە

کەرتی غەززە - AA

سوپای ئیسرائیل خاڵێکی حەماسی لە باكووری كەرتی غەززەی گەمارۆدراو بۆردومانكرد.

فڕۆکە جەنگییەکانی ئیسرائیل، خاڵێکی لیواکانی عێزەددین قەسام، باڵی سەربازیی حەماس-یان لە بەیت لاحیە کردە ئامانج.

وەزارەتی تەندروستیی کەرتی غەززە، هیچ روونکردنەوەیەکی نەداوە سەبارەت بە کەوتنەوە و نەکەوتنەوەی زیانی گیانیی لەو هێرشەدا.

لە لایەکی دیکەوە، دامەزراوەی پەخشی گشتیی ئیسرائیل، بڵاویکردەوە کە سوپای ئەو وڵاتە چەند خاڵێکی لە کەرتی غەززە بۆردومان کردووە.