نەتەوە یەکگرتووەکان: "لە ھەر سێ منداڵ لە غەززە یەکێکیان لە ماوەی ٢٤ کاتژمێردا خواردنی نەخواردووە"
نەتەوە یەکگرتووەکان ڕایگەیاند: "زۆربەی خێزانەکان لە کەرتی غەززە کە منداڵیان لە خوار تەمەنی پێنج ساڵەوە ھەیە، نیشانەی بەدخۆراکییان پێوەدیارە".
Gazze
غەززە ــ AA
نەتەوە یەکگرتووەکان ڕایگەیاند کە بەھۆی نەبوونی خۆراک و گەمارۆکانی ئیسرائیل بۆ سەر کەرتی غەززە، لە ھەر سێ منداڵ لە غەززە یەکێکیان لە ماوەی ٢٤ کاتژمێردا خواردنی نەخواردووە.
ئاژانسی نەتەوە یەکگرتووەکان بۆ بەھاناوەچوون و کارپێکردنی پەنابەرانی فەڵەستین (UNRWA) لە ڕاگەیاندراوێکدا ئاماژەی بەوەداوە: " بەپێی ھەڵسەنگاندنێکی خێرای پێداویستییەکان لە غەززە کە لەلایەن لیژنەی ڕزگارکردنی نێودەوڵەتییەوە ئەنجامدراوە، لە ھەر سێ منداڵ لە غەززە، یەکێکیان لە ماوەی ٢٤ کاتژمێری ڕابردوودا، خواردنی نەخواردووە".
ڕاشیگەیاندووە: " ئەو باجەی کە منداڵن لە غەززە بەھۆی شەڕەوە دەیدەن، بەرگەی ناگیرێت".
داواشی کردووە کە پێویستە بەپەلە شەڕ لە غەززە بوەستێندرێت و ڕایگەیاندووە: "ئیستا منداڵن لە غەززە، پێویستیان بە وەستاندنی شەڕ ھەیە".
ئەوەیشی خستووەتەڕوو: ""زۆربەی خێزانەکان لە کەرتی غەززە کە منداڵیان لە خوار تەمەنی پێنج ساڵەوە ھەیە، نیشانەی بەدخۆراکییان پێوەدیارە".
![](http://www.facebook.com/sharer.php?u=http://v.aa.com.tr/3700136&p[images][0]=https://cdnuploads.aa.com.tr/uploads/Contents/2025/09/26/thumbs_b_c_cd8be4651371951fb5f156067ed840ba.jpg?v=162630&p[title]=نەتەوە یەکگرتووەکان: "لە ھەر سێ منداڵ لە غەززە یەکێکیان لە ماوەی ٢٤ کاتژمێردا خواردنی نەخواردووە"&p[summary]=نەتەوە یەکگرتووەکان ڕایگەیاند: "زۆربەی خێزانەکان لە کەرتی غەززە کە منداڵیان لە خوار تەمەنی پێنج ساڵەوە ھەیە، نیشانەی بەدخۆراکییان پێوەدیارە".){kind=link}