قودس - AA

سەرۆکوەزیرانی ئیسرائیل، بنیامین ناتانیاهو کاردانەوەی نیشاندا بەرامبەر داواکارییەکانی حەماس لە دوایین پێشنیاریدا سەبارەت بە کۆتاییهێنان بە هێرشەکانی سەر غەززە و ئاڵوگۆڕی دیل، و داواکارییەکانی بە "ناعەقڵانی" ناوزەند کرد.

بەپێی هەواڵێکی کەناڵ ١٢ی ئیسرائیل، قەتەر وەڵامی حەماسی لەبارەی ڕێککەوتنی ئاڵوگۆڕی دیل بە ئیسرائیل گەیاندووە.

لەو بارەیەوە، نووسینگەی سەرۆکایەتی ئەنجوومەنی وەزیرانی ئیسرائیل، لە ڕاگەیاندراوێکدا ئاماژەی بەوە کرد کە ناتانیاهو باسی لەوە کردووە حەماس لەو داواکارییەی پێشکەشی نێوەندگیرەکانی کردووە پێداگرە لەسەر داواکاریە ناعەقڵانيیەکانی لەبارەی ڕێککەوتنی ئاگربەستی نوێ و ئاڵوگۆڕی دیل.

لە راگەیاندراوەکەدا باس لەوە کراوە کە ناتانیاهو نوێکارییەک لەبارەی ڕێککەوتنەکە پێشکەش بە کابینەی جەنگ دەکات و، بڕیارە ئەمرۆ هەڵسەنگاندنی بۆ بکرێت.

حەماس دوێنێ بڵاویکردەوە کە داواکاری لە بارەی ڕێککەوتنی ئاگربەست لە غەززە و ئاڵوگۆڕی دیل لەگەڵ ئیسرائیل پێشکەش بە قەتەر و میسر کردووە.