غەززە ــ AA

وەزارەتی تەندروستیی فەڵەستین لە کەرتی غەززە، گیانلەدەستدانی نۆ کەسی دیکەی بەھۆی برسییەتییەوە لە کەرتی غەززە ڕاگەیاند.

بەڕێوەبەری گشتی لە وەزارەتی تەندروستی فەڵەستین لە غەززە مونیر بەریش لە لێدوانێکدا بە ئاژانسی ئانادۆڵوی ڕايگەیاند کە لە میانی ٢٤ کاتژمێری ڕابردوودا، نۆ کەسی دیکە بەھۆی برسییەتییەوە لە کەرتی غەززە، گیانیان لەدەستداوە.

ئاماژەی بەوەشدا، لەو نۆ کەسەی کە بەھۆی برسیەتییەوە لە کەرتی غەززە گیانیان لەدەستداوە، دوویان منداڵن.

باسی لەوەش کرد لە مانگی تشرینی یەکەمی ساڵی ٢٠٢٣وە تا ئێستا، ١٢٢ کەس بەهۆی برسییەتییەوە لە کەرتی غەززە گیانیان لەدەستداوە کە ٨٣یان منداڵن.