لە ئاکامی هێرشەکانی ئەرمینیادا ٢٧ مەدەنی ئازەربایجانی کوژراون

باکو - AA

ژمارەی ئەو هاووڵاتییە مەدەنییانەی لە ئاکامی هێرشەکانی سوپای ئەرمینیادا گیانیان لەدەستداوە کە کردوونیەتە سەر ناوچەکانی نیشتەجێبوون، بەرزبووەتەوە بۆ ٢٧ کەس.

بەپێی راگەیەنراوێکی سەرۆکایەتی داواکاری گشتیی ئازەربایجان، سوپای ئەرمینیا بەردەوامە لەسەر هێرشەکانی بۆسەر یەکەکانی نیشتەجێبوونی مەدەنیی ئازەربایجان.

ژمارەی ئەو هاووڵاتییە مەدەنییانەی ئازەربایجان کە لە ٢٧ی ئەیلوولەوە تا ئێستا لە ئاکامی هێرشەکانی سوپای ئەرمینیادا گیانیان لەدەستداوە بەرزبووەتەوە بۆ ٢٧ کەس و ژمارەی بریندارەکانیش گەیشتووەتە ١٤١ کەس.

هەروەها لە هێرشەکاندا، ٣٧٦ یەکەی نیشتەجێبوون و ٦٣ بینای گشتیی زیانیان بەرکەوتووە.