غەززە - AA

سەرەڕای ئاگربەست، سوپای ئیسرائیل هێرشی كرده‌ سەر چەندین ناوچەی کەرتی غەززە، له‌ ئه‌نجامدا پێنج هاووڵاتی فەڵەستینی گیانیان له‌ده‌ستدا کە سیانیان منداڵن.

بەپێی ئەو زانیارییانەی لە سەرچاوە تەندروستییەکانەوە وەرگیراون، سوپای ئیسرائیل هێرشی کردووەتە سەر ناوچەکانی باشوور و باکووری غەززە و، لە ئەنجامدا پێنج هاووڵاتی فەڵەستینی كه‌ سیانیان منداڵن گیانیان لەدەستداوە و پێنج کەسیش برینداربوون.

لە کاتێکدا چاوەڕوان دەکرێت ئه‌و ڕێککەوتنی ئاگربەستەی لە ١٠ی تشرینی یەکەم لە غەززە چووە بواری جێبەجێ کردنەوە، کۆتایی بە پێکدادانەکان بهێنێت، به‌ڵام ئیسرائیل نزیکەی هەموو ڕۆژێک ڕێککەوتنەکە پێشێل دەکات.

لەو هێرشانه‌ی سوپای ئیسرائیلدا كه‌ سەرەڕای ئاگربەست ئه‌نجامیان ده‌دات، سەدان کەس لە غەززە کوژراون و بریندار بوون.

لە هێرشەکانی ئیسرائیلدا بۆ سەر کەرتی غەززە کە لە تشرینی یەکەمی ٢٠٢٣دا دەستیپێکرد، ٧٠ هەزار و ٣٦٩ هاووڵاتی فەڵەستینی گیانیان لەدەستداوە و، ١٧١ هەزار و ٦٩ کەسیش بریندار بوون.