غەززە - AA

سەرەڕای ئاگربەست، سوپای ئیسرائیل هێرشی کردە سەر ناوچەکانی ڕۆژهەڵاتی شاری غەززە لە باکووری کەرتی غەززە و ناوچەکانی ڕۆژهەڵاتی خان یونس لە باشووری کەرتی غەززە.

بەپێی ئەو زانیارییەی ئاژانسی ئانادۆڵو لە شایەتحاڵەکانی ناوچەکە دەستیکەوتووە، یەکەی تۆپهاوێژەکانی ئیسرائیل لە بەرەبەیانی ئەمڕۆوە بە درێژایی چەند کاتژمێرێک بە بەردەوامی گەڕەکی توفاح لە ڕۆژهەڵاتی شاری غەززە و ناوچەکانی ڕۆژهەڵاتی خان یونسی تۆپباران کردووە.

شایەتحاڵەکان ئاماژەیان بەوە کرد کە بەلەمە هێرشبەرەکانی ئیسرائیل لە نزیک کەناراوەکانی خان یونس ژمارەیەکی زۆر گوللەیان ئاراستەی دەریا کردووە و، هێلیکۆپتەرەکانی ئیسرائیلیش بە چڕی تەقەیان لە ڕۆژهەڵاتی شارەکە کردووە.