جنێڤ - AA

جێگری نوێنەری تایبەتی نەتەوە یەکگرتووەکان بۆ کاروباری سووریا، نەجات روشدی، ئاماژەی بەوە کرد ئیدانەی هێرشەکانی ئیسرائیلیان بۆ سەر گوندەواری دیمەشقی پایتەختی سووریا کردووە، کە کوژرانی هاووڵاتیانی مەدەنی لێکەوتەوە.

سەبارەت بە هێرشەکانی ئیسرائیل بۆ سەر خاکی سووریا، روشدی ڕاگەیەندراوێکی بڵاوکردەوە.

روشدی ڕایگەیاند: "ئیدانەی هێرشەکەی ئیسرائیل بۆ سەر خاکی سووریا لە گوندەوارەکانی دیمەشق دەکەین، کە دەگوترێت گیانلەدەستدانی هاووڵاتیانی مەدەنی لێکەوتووەتەوە".

هەروەها روشدی ئاماژەی بەوە کرد هەڵکوتانی سوپای ئیسرائیل بۆ سەر ناوچەکە و پاشان ئەنجامدانی هێرشەکە، بوونەتەهۆی ئاوارەبوونی خێزانەکانی شارۆچکەی بەیت جین و دەربەدەربوونیان بۆ ناوچەکانی دیکە.

گوتیشی: "(هێرشەکان) ئەم جۆرە کردانە پێشێلکارییەکی جددی و ناپەسەندن بۆ سەر سەروەری و یەکپارچەیی خاکی سووریا، لە هەمان کاتدا ژینگەی ئێستای لاوازی وڵاتەکە ناجێگیرتر دەکەن".