جيهان

كوژرانی ١٠ كه‌س له‌ كه‌رتی غه‌ززه‌ به‌هۆی هێرشه‌كانی ئیسرائیله‌وه‌

- له‌و هێرشه‌ ئاسمانییانه‌ی سوپای ئیسرائیل له‌ كاته‌كانی به‌یانیيه‌وه‌ ده‌یكاته‌ سه‌ر كه‌رتی غه‌ززه‌ی گه‌مارۆدراو، ١٠ كه‌س كوژراون.

Esat Fırat  | 13.11.2019 - نوێکردنەوە : 13.11.2019
كوژرانی ١٠ كه‌س له‌ كه‌رتی غه‌ززه‌ به‌هۆی هێرشه‌كانی ئیسرائیله‌وه‌

Quds

قودس - AA

له‌و هێرشه‌ ئاسمانییانه‌ی سوپای ئیسرائیل له‌ كاته‌كانی به‌یانیيه‌وه‌ ده‌یكاته‌ سه‌ر كه‌رتی غه‌ززه‌ی گه‌مارۆدراو، ١٠ كه‌س كوژراون.

له‌ راگه‌یه‌ندراوێكدا كه‌ له‌ لایه‌ن وه‌زاره‌تی ته‌ندروستی فه‌ڵه‌ستین له‌ كه‌رتی غه‌ززه‌ بڵاوكراوه‌ته‌وه‌، ئاماژه‌ به‌وه‌ كراوه‌ كه‌ سوپای ئیسرائیل له‌ كاته‌كانی به‌یانیيه‌وه‌ تا ئێستا هێرشی ئاسمانیی ده‌كاته‌ سه‌ر ناوچه‌ جیاوازه‌كانی كه‌رتی غه‌ززه‌.

له‌ راگه‌یه‌ندراوه‌كه‌دا باس له‌وه‌ كراوه‌ كه‌ ژماره‌ی ئه‌و كه‌سانه‌ی له‌و هێرشه‌دا برینداربوون گه‌یشتووه‌ته‌ ٤٥ كه‌س.

- چی روویدا؟

پێشتر سوپای ئیسرائیل له‌ راگه‌یه‌ندراوێكدا ئاماژه‌ی به‌وه‌ كردبوو كه‌ هێرشی كردووه‌ته‌ سه‌ر ماڵی به‌ها ئه‌بولعه‌تا، كه‌ یه‌كێكه‌ له‌ فه‌رمانده‌ دیاره‌كانی سریه‌ی قودسی باڵی سه‌ربازی جیهادی ئیسلامی له‌ خۆرهه‌ڵاتی كه‌رتی غه‌ززه‌. له‌و هێرشه‌دا ئه‌بولعه‌تا و هاوسه‌ره‌كه‌ی ئه‌سما ئه‌بولعه‌تا كوژران.

دوای كوژرانی ئه‌بولعه‌تا له‌ كه‌رتی غه‌ززه‌وه‌ مووشه‌ك ئاڕاسته‌ی زۆر ناوچه‌ی ئیسرائیل كرا، به‌تایبه‌تی ته‌ل ئه‌بیب. به‌و ‌هۆیه‌شه‌‌وه‌ ده‌وامی خوێندن له‌ ته‌لئه‌بیب و زۆر قوتابخانه‌ی باشووری ئیسرائیل كرایه‌ پشوو.


بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın