سەرۆکی ئیسرائیل پیرۆزبایی جەژنی قوربان لە سه‌ركۆماری توركیا دەکات

ئەنقەرە-AA

سەرۆکی ئیسرائیل، ئیسحاق هێرزۆگ بەبۆنەی هاتنەوەی جەژنی قوربان، پیرۆزبایی لە سەرکۆماری تورکیا، رەجەب تەیب ئەردۆغان کرد.

لەو راگەیەندراوەدا کە لە سه‌رۆكایه‌تی پەیوەندییەکان سەربە سەرۆکایەتی کۆماری تورکیا بڵاوکراوەتەوە، ره‌جه‌ب ته‌یب ئەردۆغان و ئیسحاق هێرزۆگ پەیوەندییەکی تەلەفۆنییان ئەنجامداوە.

لە راگەیەندراوەکەدا ئاماژە بەوە دراوە کە لە میانی پەیوەندییەکەدا هەردوو سەرۆک باسیان لە پەیوەندییە دووقۆڵییەکان و پرسە هه‌رێمییه‌كان کردووە.

هه‌روه‌ها لە راگەیەندراوەکەدا هاتووە، هەر لە میانی پەیوەندییەکەدا ئەردۆغان هیوای خواستووە جەژنی قوربان ئاسایش و ئارامی بۆ هەردوو وڵات و ناوچەکە و جیهان بەگشتی بهێنێتە ئاراوە.

هەردوو سەرۆک کۆکبوون لەسەر پێشخستنی پەیوەندییە دووقۆڵییەکانی نێوان تورکیا و ئیسرائیل بۆ قۆناغێکی بەرەوپێشتر بە گرتنەبەری هەنگاوی کۆنکرێتی بە بەرنامەیەکی ئەرێنی و لەسەر بنەمای رەچاوکردنی پرسە هەستیارەکانی هەردوولا.