سەركردەكانی یەكێتیی ئەورووپا لەسەر برێكسیت كۆدەبنەوە

بڕۆكسل - AA

سبەی پێنجشەممە، سەركردەی 28 وڵاتی ئەندام لە یەكێتیی ئەورووپا لەبارەی برێكسیتەوە لە بڕۆكسل كۆدەبنەوە.

لووتكەی یەكێتییەكە 21 و 22ی ئادار لە بڕۆكسلی پایتەختی بەلجیكا بەڕێوەدەچێت و سەرۆك و سەرۆكوەزیرانی وڵاتانی ئەندام لە یەكێتییەكەدا بەشداردەبن.

بەپێی بەرنامەی لووتكەكە، كارنامەی سەرەكیی برێكسیت دەبێت، هاوكات پەیوەندییەكان لەگەڵ چین، پێشهاتە ئابوورییەكان، گۆڕانكاریی كەشوهەوا و هەواڵە بێ بنەما و نادروستەكانیش لە لووتكەكەدا تاوتوێ دەكرێن.