برۆکسل ــ AA

گوتەبێژی ناتۆ، ئەلیسون ھارت ڕایگەیاند کە سکرتێری گشتیی ناتۆ، مارک روتە لەبەرامبەر پاشگەزبوونەوەی واشنتۆن بۆ سەپاندنی باجی گومرگی بەسەر وڵاتانی ئەورووپا، ھیچ سازشێکی لەبارەی سەروەریی گرینلاند پێشکەش بە سەرۆکی ئەمریکا، دۆناڵد ترەمپ نەکردووە.

دوێنێ چوارشەممە، مارک روتە و دۆناڵد ترەمپ لە پەراوێزی کۆڕبەندی ئابووری جیھانیی داڤۆس لە سویسرا، کۆبوونەوە.

ئەلیسون ھارت لە ڕاگەیاندراوێکدا ئاماژەی بەوەداوە کە لە کۆبوونەوەکەدا، باس لە گرنگی ئاسایشی ناوچەی جەمسەری باکوور لەلایەن سەرجەم وڵاتانی ئەندام لە ناتۆ کراوە لەنێویاندا ئەمریکا.

ڕاشیگەیاندووە: "گفتوگۆکانی نێوان دانمارک، گرینلاند و ئەمریکا بەردەوام دەبن لە پێناو ئەوەی ڕووسیا و چین پێگەی ئابووریی و سەربازیی بۆ خۆیان لە گرینلاندا دانەمەزرێنن".

باسی لەوەشکردەوە کە سکرتێری گشتیی ناتۆ، مارک روتە لەبەرامبەر پاشگەزبوونەوەی واشنتۆن بۆ سەپاندنی باجی گومرگی بەسەر وڵاتانی ئەورووپا، ھیچ سازشێکی لەبارەی سەروەریی گرینلاند پێشکەش بە سەرۆکی ئەمریکا، دۆناڵد ترەمپ نەکردووە.

دوێنێ چوارشەممە سەرۆکی ئەمریکا، دۆناڵد ترەمپ ڕایگەیاندبوو کە لەگەڵ سکرتێری گشتیی ناتۆ، مارک روتە لەبارەی دوورگەی گرینلاند، گەیشتوونەتە ڕێککەوتن.