ئەنقەرە - AA

سوپای پاسدارانی ئێران، بانگه‌شه‌ی ئەوەی کرد لە ناوچەكانی ناوەڕاستی وڵات، فڕۆکەیەکی جەنگی F-35ی خستووەته‌ خوارەوە.

لەو باره‌یه‌وه‌ سوپای پاسداران ڕایگه‌یاند: "فڕۆکەیەکی جەنگی پێشکەوتووی F-35ی ئەمریکا، لەلایەن سیستمی بەرگریی ئاسمانیی پێشکەوتووی سوپای پاسدارانی ئێرانەوە لە ئاسمانی ناوەڕاستی ئێران تێکشکێندرا".

لە ڕاگەیاندراوەکەدا بانگه‌شه‌ی ئەوە کراوە لە ماوەی ١٢ کاتژمێری ڕابردوودا ئەمە دووهەم فڕۆکەی جەنگیە خراوه‌تە خوارەوە و، بەهۆی تێکشکانی تەواوی فڕۆکەكه‌ش هێشتا چارەنووسی فڕۆکەوانەکە نازانرێت.

هاوكات ئه‌و دیمەنانە بڵاو کرانەوە كه‌ بانگه‌شه‌ی ئەوە دەکرێت هی فڕۆکە تێكشكێندراوه‌كان بن.