سوپای ئیسرائیل پردێکی دیكه‌ی سەر ڕووباری لیتانی باشووری لوبنانی ڕووخاند

بەیروت AA

سوپای ئیسرائیل پردێکی دیكه‌ی سەر ڕووباری لیتانی ڕووخاند، كه‌ باشووری لوبنان دەکات بە دوو بەشەوە.

بەپێی ئاژانسی فەڕمی هەواڵی لوبنان (NNA)، سوپای ئیسرائیل بە درێژایی شەو بەردەوام بووە لە هێرشەکانی بۆ سەر چەندین شارۆچکە لە باشووری وڵاتەکە.

سوپای ئیسرائیل کاته‌کانی بەیانی، پردی قاقائییە-ی پارێزگای نەباتیە بە هێرشی ئاسمانیی توند کردە ئامانج و بە تەواوی وێرانی کرد.