جيهان

دوواین هێرشی ئیسرائیل بۆ سەر غەززە گیانلەدەستدانی ٢١ کەسی لێکەوتەوە

Hamdi Yıldız  | 29.08.2025 - نوێکردنەوە : 29.08.2025
دوواین هێرشی ئیسرائیل بۆ سەر غەززە گیانلەدەستدانی ٢١ کەسی لێکەوتەوە

Türkiye

ئیستانبوڵ - AA

لە ئاکامی ئەو هێرشانەی سوپای ئیسرائیل لە کاتەکانی بەیانییەوە تا ئێستا کردوویەتیە سەر ناوچە جیاوازەکانی کەرتی غەززە، لانیکەم ٢١ هاووڵاتی فەڵەستینی گیانیان لەدەستداوە.

بەپێی ئەو زانیارییەی ئاژانسی فەڕمی فەڵەستینی WAFA لە سەرچاوە تەندروستییەکانی ناوچەکەوە گواستوویەتییەوە، سوپای ئیسرائیل بەردەوامە لە ئەنجامدانی کۆمەڵکوژی دژی فەڵەستینییەکان لە ناوچە جیاوازەکانی کەرتی غەززە.

لە هێرشێکدا بۆ سەر خێمەی ئاوارەکان لە ناوچەی مەواسی لە ڕۆژئاوای شاری خان یونس، پێنج کەس گیانیان لەدەستدا.

هەروەها لە هێرشێکی دیکەدا بۆ سەر خێمەی ئاوارەکانی ناوچەی سودانییە لە ڕۆژئاوای شاری غەززە، چوار هاووڵاتی فەڵەستینی گیانیان لەدەستدا.

بۆردومانی خانوویەک لە گەڕەکی تەل ئەلهەوا لە باشووری ڕۆژئاوای غەززە، گیانلەدەستدانی پێنج کەس و برینداربوونی ژمارەیەکی زۆری لێکەوتەوە.

لە ئەنجامی هێرشکردنە سەر خانوویەک لە کەمپی بورەیج لە ناوەڕاستی کەرتی غەززە، دوو کەس گیانیان لەدەستدا.

لە هێرشێکی سوپای ئیسرائیلدا بۆ سەر دێر بەلەح، ژن و مێردێک گیانیان لەدەستدا.

لەلایەکی دیکەوە، فڕۆکەی بێفڕۆکەوانی ئیسرائیل بۆردومانی ئەو هاووڵاتیە فەڵەستینییانەی کرد کە لە شەقامی ئەبو حسنی لە غەززە کۆببوونەوە. لە ئەنجامدا سێ کەس گیانیان لەدەستدا و ژمارەیەکی زۆریش برینداربوون.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın