تەقینەوەیەک لە سوید روویدا

ستۆکۆڵم – AA

لە ئاکامی تەقینەوەیەک لە هێڵێکی میترۆ لە ستۆکهۆڵمی پایتەختی سوید، دوو کەس بە سەختی بریندار بوون.

بەڕێوەبەری ئاگرکوژێنەوەی سۆدەرتۆرن، لارس ئاکی رایگەیاند، تەقینەوەکە کاتژمێر ١١:٠٧ بە کاتی سوید روویداوە و لە ئاکامدا دوو کەس بە سەختی بریندار بوون.

ناوبراو ئاماژەی بەوە دا کە تەقینەوەکە لە رێگای بۆمبی دەستکرد ئەنجام دراوە و دوو بریندارەکە کە تەمەنیان ٤٥ و ٦٠ ساڵە گەیەندراونەتە نەخۆشخانە.

سەبارەت بە هۆکاری ئەو رووداوە دەست کراوە بە لێکۆڵینەوە، و پێشبینی ئەوەش دەکرێت کە ئەم رووداوە تەقینەوەیەکی تیرۆریستی بووبێت.