ئیدلب.. لە ئاکامی چەند تەقینەوەیەک ٣٠ کەس کوژران

ئیدلب - AA

لە ئاکامی چوار تەقینەوەی جیا لە شاری ئیدلبی وڵاتی سووریا، بەپێی زانیارییە سەرەتاییەکان ٣٠ کەس گیانیان لەدەستداوە و زیاتر لە ٧٠ کەسیش برینداربوون.

بەپێی ئەو زانیاریانەی کە بەدەست ئاژانسی ئانادۆڵو کەوتووە، چوار تەقینەوەی یەک لە دوای یەک لە ناوچەیەکی وەستانی چەند ئۆتۆمبێڵێک روویداوە و بەپێی زانیارییە سەرەتاییەکان ٣٠ کەس گیانیان لەدەستداوە و زیاتر لە ٧٠ کەسیش برینداربوون.

بریندارەکان بۆ نەخۆشخانەکانی ناوچەکە گواستراونەتەوە.

بەھۆی تەقینەوەکە بیناکانی ناوچەکە زیانیان بەرکەوتووە.
بەرپرسان رایانگەیاند کە لەوانەیە تەقینەوەکان بە چەند ئۆتۆمبێڵی بۆمبرێژکراوەوە ئەنجام درابن.