سووریا.. بەهۆی غازی كلۆرەوە 10 كەس بریندار بوون

هەلیكۆپتەرێكی جەنگی رژێمی بەشار ئەسەد، بۆمبێکی بەرمیل كە غازی كلۆری تێدابوو بەسەر ناوچەی سەراقب سەربە پارێزگای ئیدلب باكووری رۆژئاوای سووریا، بەردایەخوارەوە و لە ئاكامدا 10 كەس بریندار بوون.

سەرچاوەیەك لە نەخۆشخانەی مەیدانی سەراقب بە ئاژانسی ئانادۆڵوی راگەیاند "ئێوارەی دوێنی دووشەممە، هەلیكۆپتەرێكی جەنگی رژێم بۆمبێکی بەرمیل كە غازی كلۆری تێدابوو بەسەر ناوچەی سەراقب بەردایەخوارەوە و بەهۆیەوە 10 كەس بریندار بوون كە لەنێویاندا ژمارەیەک منداڵ هەیە.

سەرچاوەكە گوتیشی: "ئەو 10 كەسە بەهۆی هەڵمژینی كلۆرەكە تووشی گرفت لە بینین و رشانەوە هاتوون و لە ئێستادا لە نەخۆشخانە چارەسەری پزیشكیان بۆ دەكرێت".

لە مانگی نیسانی رابردوودا، گەورە دانوستانکاری ئۆپۆزسیۆنی سووریا، محەمەد عەلووش ئاشكرای كردبوو كە رژێمەكەی ئەسەد 43 جار چەكی كیمیاوی و 13 جار غازی كلۆری دژی ناوچەكانی ژێر کۆنترۆڵی ئۆپۆزسیۆن، بەكار هێناوە.