ئەمریکا خستنە خوارەوەی فڕۆکەیەکی لەلایەن ئێران پشتڕاستکردەوە

دوبەی - AA

فەرماندەی ھێزەکانی ناوەندی ئەمریکا (CENTCOM)، خستنەخوارەوەی فڕۆکەیەکی بێفڕۆکەوانی سەر بە ھێزەکانی ئەمریکای لەلایەن ئێران کە لەسەر گەرووی ھورمز فڕیوە، پشتڕاستکردەوە.

بەپێی ئەو راگەیاندنەی لەلایەن (CENTCOM) بڵاوکراوەتەوە، ئاماژە بەوە کراوە کە "ئەمڕۆ بەیانی زوو فڕۆکەیەکی جۆری RQ-4A Global Hawk لەکاتی فڕینی لەسەر گەرووی ھورمز لە کایەی ئاسمانی نێودەوڵەتی، بە رێگەی سیستەمی مووشەکی ئاسمانی ئێرانەوە خستراوەتە خوارەوە".

لە راگەیەندراوەکەدا بە پێچەوانەی لێدوانەکانی بەرپرسانی ئێران کە رایانگەیاندبوو بەھۆی بەزاندنی سنووری ئاسمانی ئەو فڕۆکە بێ فڕۆکەوانە خستراوەتەوە خوارەوە، بەڵام ئەمریکا بەرگری لەوە کرد کە ئەو فڕۆکەیە کایەی ئاسمانی ئێرانی نەبەزاندووە.

لەلایەکی دیکەش، ھێزی ئاسمانی سوپای پاسدارانی ئێران رایگەیاندبوو کە لە پارێزگای ھورمزگان باشووری ئێران، فڕۆکەیەکی بێفڕۆکەوانی ھێزی ئاسمانیی ئەمریکایان خستووەتە خوارەوە.

لە راگەیەندراوێکی سوپای پاسداراندا کە لە ماڵپەڕی خۆیان بڵاویانکردۆتەوە ئاماژە بەوە کراوە کە ھێزی ئاسمانیی سەربە سوپای پاسداران، فڕۆکەیەکی بێفڕۆکەوانی ھێزی ئاسمانیی ئەمریکا لە جۆری Global Hawk کە لەسەر ئاسمانی پارێزگای ھورمزگان کە دەڕوانێتە سەر کەنداوی عومان، خستووەتە خوارەوە.