ئەمریکا.. بەهۆى گرژييەكانەوە "قەدەغەى هاتوچۆ" لە واشنتۆن راگەياندرا

دوابەدواى ئەو گرژييانەى كە لەگەڵ هەڵكوتانى گرووپێك لە لايەنگرى دۆناڵد ترەمپ بۆ سەر باڵەخانەى كۆنگرێس لە واشنتۆن پايتەختى ئەمريكا روويدا، بريارى "قەدەغەى هاتوچۆ" راگەياندرا.

سەرۆكى شارەوانى واشنتۆن، موريێل برۆسەر، لە رێگەى تويتەرەوە، "قەدەغەى هاتوچۆ"ی لە شارەكە لە كاتژمێر ١٨:٠٠وە تاكو كاتژمێر ٠٦:٠٠ بەيانى بە كاتى ناوخۆ راگەياند.

برۆسەر، داواى لە هەمووان كرد بە مێدياكارانیشەوە، جگە كەرتەكانی خزمەتگوزارييە سەرەكييەكان كە نەچنە دەرەوە.