ئیدلب - AA

رژێمی به‌شار ئه‌سه‌د و پشتیوانانی لانیکەم ٨٠٠ جار ئاگربەستی پارێزگای ئیدلب باکووری خۆرئاوای سووریایان پێشێلکردووە و ٦٦ مەدەنییان کوشتووە.

بەڕێوەبەری تیمی هەماهەنگکارانی وەڵامدانەوەی مەدەنیی لە باکووری سووریا، محەمەد حەلاج لە لێدوانێکیدا بۆ ئاژانسی ئانادۆڵو، ئاماژەی بەوە کرد کە رژێمی به‌شار ئه‌سه‌د و گرووپه‌ تیرۆریستییه‌كانی سه‌ربه‌ ئێران لەگەڵ رووسیا لە ماوەی ٤٥ رۆژی رابردوودا، زیاتر لە ٨٠٠ جار ئاگربەستیان لە ئیدلب پێشێلکردووە و هێرشیان کردووەتە سەر هێڵی پێشەوەی ئۆپۆزسیۆنی سەربازیی و یەکەکانی نیشتەجێبوونی مەدەنی.

گوتیشی: ''لەو ٦٦ مەدەنیەی کە لە ئاکامی هێرشەکانی هێزەکانی رژێم و رووسیادا لە ماوەی ٤٥ رۆژدا کوژراون ٢٥یان منداڵ، ١٠یان ئافرەت و پێنجیان کارمەندی رێکخراوەکانی هاوکاری مرۆیی بوون''.

محەمەد حەلاج باسی لەوەیش کرد کە هێزەکانی رژێم ناوەندی بەرگریی شارستانی و ناوەندە جۆراوجۆرەکانی تەندروستییان کردووەتە ئامانج و لە ئەنجامدا، ١٩ بینای خزمەتگوزاری لەکار کەوتوون.

گوتیشی: ''لە ئەنجامی هێرشی چڕی رژێمی ئەسەد و پشتیوانانیدا، لانیکەم چوار هەزار و ٥٠٠ مەدەنی دەربەدەربوون و ئەگەر هێرشەکان بەردەوام بن، ئەوا ٢٥٠ مەدەنی دیکە بەناچاری کۆچ دەکەن''.