غەززە ــ AA

سەرایا قودس باڵی سەربازی بزووتنەوەی جیھادی ئیسلامی ڕایگەیاند کە ھێزەکانی ئیسرائیلیان لە ڕۆژھەڵاتی شاری ڕەفەح باشووری کەرتی غەززە بۆردومان کردووە.

سەرایا قودس ڕاگەیاندراوێکی بڵاوکردەوە و تیایدا ھاتووە: "بە ئاراستەکردنی گولـلە ھاوەن، ھێزەکانی زایۆنیمان لە ڕۆژھەڵاتی شاری ڕەفەح بۆردومان کردووە".

لە ڕاگەیاندراوەکەدا، وردەکاری زیاتر لەوبارەیەوە نەخراوەتەڕوو.

تا ئێستا سوپای ئیسرائیل، ھیچ ڕاگەیاندراوێکی لەوبارەیەوە بڵاونەکردووەتەوە.

دوێنێ چوارشەممە، شەڕ و پێکدادانی سەخت لەنێوان چەکدارەکانی فەڵەستینییەکان و ھێزەکانی سوپای ئیسرائیل لە ناوچەکانی ڕۆژھەڵاتی رەفەح ڕوویدا.