جيهان
ئێران ڕایگەیاند ڕەنگە ئەو بانکانەی لە ناوچەکە پەیوەندیان بە ئەمریکا و ئیسرائیلەوە هەیە بکاتە ئامانج
Ahmet Dursun |
11.03.2026 - نوێکردنەوە : 11.03.2026
Ankara
ئەنقەرە - AA
دوای ئەو هێرشەی دوێنێ کرایە سەر بانکێکی ئێرانی لە تاران، ئێران بڵاوی کردەوە کە ڕەنگە ناوەندە ئابوورییەکان و بانکەکانی پەیوەندیدار بە ئەمریکا و ئیسرائیل لە ناوچەکە بکاتە ئامانج.
لەو بارەیەوە بارەگای خاتەم ئەلئەنبیا ڕاگەیاندراوێکی بڵاوکردەوە.
لە ڕاگەیاندراوەکەدا هاتووە: "دوێنێ شەو سوپای تیرۆریستی ئەمریکا و ڕژێمی زایۆنی، دوای ئەوەی نەیانتوانی بگەنە ئامانجە سەربازییەکانیان، یەکێک لە بانکەکانی وڵاتیان کردە ئامانج. بەم کارە جەنگییە نایاساییە، دوژمن ڕێگەی بۆ خۆش کردین ناوەندە ئابوورییەکان و بانکەکانی سەربە ئەمریکا و ڕژێمی زایۆنی لە ناوچەکەدا بکەینە ئامانج".
هەروەها لە ڕاگەیاندراوەکەدا هۆشداری دراوە بە خەڵکی ناوچەکە کە پێویستە تا دووریی یەک کیلۆمەتر لە بانکەکان نزیک نەبنەوە.
