ئەسپ و ئاگر جەژنێکی کولتووری ئیسپانیەکان

سان بارتۆلۆم دە پینارەس - AA

جەژنی "لاس لومیناریاس" کە کولتوورێکی کۆنی ئیسپانیەکانە و تیادا ئاگر دەکرێتەوە و ئەسپەکان بازی بەسەردا لێدەدەن. لە قەزای سان بارتۆلۆم دە پینارەس باکووری رۆژئاوای مەدرید، یادی کرایەوە.

رۆژی ئازیز ئانتۆنی کە بە پارێزەری ئاژەڵانی ماڵی دادەنرێت، ئەو چالاکییە ئەنجام درا و لەگەڵ هاتنی شەودا تەواوی دانیشتوانی قەزاکە رژانە سەر شەقام.

لەگەڵ هاتنی ئێوارەدا، ١٠ ئاگر لە شەقامەکانی قەزاکە کرایەوە و بەردەوام ئاگرەکە خۆش دەکرا، دواتر لاس لومیناریاس لە لایەن پاپای قەزاکەوە پیرۆز دەکرا.

پاشان بە دەیان ئەسپ لە چەند شوێنێکەوە بازیان بەسەر ئاگرەکەدا هەڵ دەدا.

ژمارەیەکی زۆر هاووڵاتی لە قەزا و ناحیەکانی دەورووبەرەوە هاتبوونە مەراسیمەکە. دواتر چەندین چالاکی جۆراو جۆر ئەنجام درا.