پەیەدە/پەکەکە چەکدارانی لە منبج جووڵە پێ دەکات

عەزاز/ جەرابلوس - AA

رێکخراوی تیرۆریستیی پەیەدە/پەکەکە بە مەبەستی کەمکردنەوەی فشاری سوپای تورکیا بۆ سەر عەفرین، دەستی بە کۆکردنەوەی چەکدارەکانی منبجی کردووە.

بە پێی ئەو زانیارییانەی ئاژانسی ئانادۆڵو لە سەرچاوە متمانە پێکراوەکانییەوە دەستیکەوتوون، پەیەدە/پەکەکە دەستی بە کۆکردنەوەی چەکدارەکانی لە شارۆچکەکە کردووە.

کاروانێکی سەربازیی کە لە ٤٠٠ ئۆتۆمبیل پێکهاتووە و ژمارەیەکیان ئەو ئۆتۆمبیلە زرێپۆشانەن کە ئەمریکا داویەتی بە رێکخراوەکە، گەیشتنە ناوەندنی منبج. دواتریش ئۆتۆمبیلەکان و ئەو تیرۆریستانەی تێیاندابوون، رەوانەی دوو خاڵ لە منبج کران.

یەکێک لەو خاڵانەی کە ئۆتۆمبیل و تیرۆریستەکانی لێ کۆکراوەتەوە، شارەدێی عەریمە و کێڵکەی لوبنانییە کە دەکەونە بەرامبەر هێڵی باشووری خۆرهەڵاتی ناوچەی ئۆپەراسیۆنی قەڵغانی فورات.

خاڵی دووەمی کۆکردنەوەی ئۆتۆمبیل و چەکدارەکانی رێکخراوەکە لە ناوچەی سیلۆی باشووری منبجە.

کۆکردنەوەی چەکدار و جبەخانە لە سیلۆ کە دەکەوێتە سەر هێڵی سنووریی نێوان رێکخراوەکە و رژێمی ئەسەد، وەک ئەوە لێکدەدرێتەوە کە هێزی پشتیوانیی لێوە رەوانەی عەفرین بکرێت. لەبەر ئەوەش کە منبج راستەوخۆ بە عەفرینەوە نەبەستراوەتەوە، پێویستە تیرۆریستان لە ناوچەکانی ژێر دەسەڵاتی رژێمەوە تێپەڕن.