گوندی عەلیکار لە رێکخراوی تیرۆریستیی پەیەدە/پەکەکە پاککرایەوە

عەزاز - AA

لە میانی ئۆپەراسیۆنی لقی زەیتوندا بۆ سەر رێکخراوی تیرۆریستیی پەیەدە/پەکەکە لە ناوچەی عەفرینی سەر سنووری نێوان سووریا-تورکیا سوپای تورکیا و سوپای سووریای ئازاد گوندی عەلیکاریان کۆنترۆڵ کرد.

بە پێی زانیارییەکانی پەیامنێرانی ئاژانسی ئانادۆڵو لە ناوچەکە، سوپای تورکیا و سوپای سووریای ئازاد گوندی عەلیکار باکووری شارەدێی بولبول سەر بە ناوچەی عەفرین-یان لە چەکدارانی پەیەدە/پەکەکە پاککردووەتەوە.

لەگەڵ کۆنترۆڵکردنی گوندی عەلیکاردا هێڵێکی بەرفراوان لە باکووری شارەدێی بولبول کە هەریەک لە گوندی شەنکال و دەورووبەری و ناوچەی زەهران دەگرێتەوە و پێشتر لەسەر سنووری نێوان سووریا-تورکیا کۆنترۆڵکرابوون لە رێکخراوی تیرۆریستیی پاککرایەوە.

لە میانی ١٢یەمین رۆژی ئۆپەراسیۆنی لقی زەیتوندا لە پێنج شارەدێی عەفرین ٢٠ گوند و شەش ناوچەی نیشتەجێبوون کە یەکێکیان گوندە و حەوت چیا و گردی ستراتیجیی کە کۆی گشتییان دەکاتە ٢٧ ناوچە، کۆنترۆڵکراون.