ئیستانبوڵ - AA

فیستیڤاڵی تیکنۆفێست ماڤی وەتەن، کە ڕەنگدانەوەی دیدی ھەنگاوی تەکنەلۆجی نەتەوەییە لە دەریاکاندا و، لە چوارچێوەی تیکنۆفێست ٢٠٢٥دا ڕێکخراوە، دەرگاکانی بە ڕووی سەردانکەراندا کردەوە.

تیکنۆفێست ماڤی وەتەن کە ئاژانسی ئەنادۆڵو هاوبەشی پەیوەندی جیھانییەتی و بە سەرپەرشتی وەقفی تیمی تەکنەلۆجیای تورکیا (T3 Vakfı) و بە هاریکاریی وەزارەتی پیشەسازی و تەکنەلۆجیا و وەزارەتی بەرگریی تورکیا ئەنجام دەدرێت، لە فەرماندەیی کەشتیوانی ئیستانبوڵ دەستی پێکرد.

فیستیڤاڵی تیکنۆفێست ماڤی وەتەن کە ئارەزوومەندانی تەکنەلۆجیا و پیشەسازی بەرگریی لە چوارچێوەی دەریاوانی کۆدەکاتەوە، لە ٣٠ و ٣١ی ئابدا بە ڕووی هاووڵاتیاندا کراوە دەبێت.

سەردانەکان بۆ چالاکییەکە لە سێ دانیشتنی جیاوازدا ئەنجام دەدرێن، ٠٩:٠٠-١٢:٠٠ و ١٢:٠٠-١٥:٠٠ و ١٥:٠٠-١٨:٠٠. ھەر سەردانکەرێک تەنیا بۆ یەک دانیشتن مافی چوونە ژوورەوەی دەبێت.

چاوەڕوان دەکرێت سەرکۆماری تورکیا، ڕەجەب تەیب ئەردۆغان لە یەکەم ڕۆژی چالاکییەکەدا بەشداری بکات و گوتارێک پێشکەش بکات.

لە چالاکییەکەدا کە تیشک دەخرێتە سەر تەکنەلۆجیاکانی دەریاوانی و ژێر ئاو، کێبڕکێی سیستمەکانی ژێر ئاو بێسەرنسین و کێبڕکێی مووشەکی ژێر ئاو و کێبڕکێی ئۆتۆمبێلی دەریایی بێسەرنشین ئەنجام دەدرێت.

هەروەها لە لە چالاکییەکەدا هەر یەک لە کەشتییە دیارەکانی هێزی دەریایی تورکیا TCG Anadolu و TCG İstanbul و TCG Burgazada و TCG Oruçreis و TCG Nusret و TCG Sakarya و TCG Hızırreis نمایش دەکرێن.