ئیستانبوڵ - AA

سەرکۆماری تورکیا، ڕەجەب تەیب ئەردۆغان ڕایگەیاند: "پشتیوان بە خودا بە ئارامی، پەرۆشی و دڵسۆزی کار دەکەین و تا ئەو سەدەیەی تیایداین دەکەینە سەدەی تورکیا، ناوەستین. پشتیوان بە خودا تورکیای بێ تیرۆر وەک گەورەترین بەرهەممان بۆ ئێوە بەدیدەهێنین".

لە گوتارێکیدا کە لە میانی بەشداری کردنی لە بەرنامەی تێکنۆفێست ماڤی وەتەن پێشکەشی کرد، کە لەلایەن وەقفی تیمی تەکنەلۆجیای تورکیا (T3 Vakfı) و بە هاریکاریی وەزارەتی پیشەسازی و تەکنەلۆجیا و وەزارەتی بەرگریی تورکیا لە فەرماندەیی کارگەی کەشتیسازی ئیستانبوڵ ئەنجام دەدرێت و، ئاژانسی ئەنادۆڵو هاوبەشی پەیوەندی جیھانییەتی، سەرکۆمار ئەردۆغان ئاماژەی بەو ئاستە کەس کە تورکیا لە تەکنەلۆجیاکانی پیشەسازیی بەرگرییدا پێیگەیشتووە.

سەرکۆمار ئەردۆغان باسی لەوە کرد ئەمساڵ دەهەمین تێکنۆفێست لە ناوخۆدا و بە گشتییش دوازدەهەمینی ڕێکدەخەین، کە یەکەممان لە ساڵی ٢٠١٨ ئەنجام دا. لە ماوەی هەشت ساڵدا پێشوازیمان لە نزیکەی ١١ ملیۆن سەردانیکەرمان کردووە.

ڕاشیگەیاند: "پشتیوان بە خودا بە ئارامی، پەرۆشی و دڵسۆزی کار دەکەین و تا ئەو سەدەیەی تیایداین دەکەینە سەدەی تورکیا، ناوەستین. پشتیوان بە خودا تورکیای بێ تیرۆر وەک گەورەترین بەرهەممان بۆ ئێوە بەدیدەهێنین".

سەرکۆمار ئەردۆغان باسی لە گرنگی بەشداری گەنجان لە چالاکییەکاندا کرد و، ڕايگەیاند: "زۆر بە بایەخەوە لەوە دەڕوانم کە تێکنۆفێست ساڵانە زیاتر سەرنجی گەنجان ڕادەکێشێت. لە ڕاستیدا هەموو ئەم ژمارانە پێماندەڵێن گەنجانی تێکنۆفێست بە خێرایی تەواو دێن و یەک بە یەک بەربەستەکان دەڕوخێنن".