ئەنقەرە - AA

تێکنۆفێست (TEKNOFEST)، کە گەورەترین فیستیڤاڵی فڕۆکەوانی، بۆشایی ئاسمان و تەکنەلۆجیایە لە جیهاندا، بە تەوەری "ماڤی وەتەن (نیشتمانی شین)" هێزی تورکیا لە دەریادا و لێهاتوویە تەکنەلۆجییە پێشکەوتووەکانی لەم بوارەدا بە گەنجان ئاشنا دەکات.

ڕەنگدانەوەی هەنگاوی تەکنەلۆجی نیشتمانیی تورکیا لە دەریاکاندا، ئەمساڵ بە تێکنۆفێست ماڤی وەتەن کە لە چوارچێوەی تێکنۆفێست ٢٠٢٥دا ڕێکدەخرێت، ڕەهەندێکی نوێ وەردەگرێت.

چالاکییەکان کە سبەینێ لە فەرماندەیی کەشتیسازی ئیستانبوڵ دەستپێدەکات و، تا ٣١ی ئاب بەردەوام دەبن، تیایاندا ئارەزوومەندانی تەکنەلۆجیا و پیشەسازی بەرگریی لە چوارچێوەی دەریاییدا کۆدەکاتەوە. ئەوانەی ناویان بە شێوەی ئۆنلاین تۆمار کردووە دەتوانن چاودێری چالاکییەکان بکەن کە لە ٣٠ و ٣١ی ئابدا بۆ بەشداریی گشتیی دەکرێنەوە.

سەردانەکان بۆ چالاکییەکە لە سێ دانیشتنی جیاوازدا ئەنجام دەدرێن، ٠٩:٠٠-١٢:٠٠ و ١٢:٠٠-١٥:٠٠ و ١٥:٠٠-١٨:٠٠. ھەر سەردانکەرێک تەنھا بۆ یەک دانیشتن مافی چوونە ژوورەوەی دەبێت.

چاوەڕوان دەکرێت سەرکۆماری تورکیا، ڕەجەب تەیب ئەردۆغان لە یەکەم ڕۆژی چالاکییەکەدا بەشداری بکات و گوتارێک پێشکەش بکات.

لە چالاکییەکەدا کە تیشک دەخرێتە سەر تەکنەلۆجیاکانی دەریاوانی و ژێر ئاو، کێبڕکێی سیستمەکانی ژێر ئاو بێسەرنسین و کێبڕکێی مووشەکی ژێر ئاو و کێبڕکێی ئۆتۆمبێلی دەریایی بێسەرنشین ئەنجام دەدرێت.

هەروەها لە لە چالاکییەکەدا هەر یەک لە کەشتییە دیارەکانی هێزی دەریایی تورکیا TCG Anadolu و TCG İstanbul و TCG Burgazada و TCG Oruçreis و TCG Nusret و TCG Sakarya و TCG Hızırreis نمایش دەکرێن.