ئەنقەرە - AA

وەزیری تەندروستی تورکیا، کەمال مەمیشئۆغڵو سەردانی ئەو زیانلێکەوتووانەی بوومەلەرزەکەی کرد کە لە باڵکئەسیر برینداربوون و چارەسەریان بۆ دەکرێت.

لە پۆستێکیدا لە هەژماری خۆی لە تۆڕی کۆمەڵایەتی، مەمیشئۆغڵو باسی لەوە کرد سەردانی ئەو هاوڵاتیانەی کردووە کە بەهۆی بوومەلەرزەکەی باڵکئەسیرەوە برینداربوون و، لە نەخۆشخانەی زانکۆی باڵکئەسیر و نەخۆشخانەی حکوومی باڵکئەسیر و نەخۆشخانەی شاری ئەتاتورک لە باڵکئەسیر چارەسەر وەردەگرن.

لە کاتی سەردانی بریندارەکاندا مەمیشئۆغڵو ڕایگەیاند: "چاومان بە بریندارەکان و خێزانەکانیان کەوت، هیوای زوو چاکبوونەوەمان بۆ خواستن. هیوادارین بە زووترین کات بگەڕێنەوە ماڵەوە. خودای گەورە شیفایان بدات".