وەزارەتی بەرگریی تورکیا خۆشحاڵی خۆی سەبارەت بە ڕێککەوتنی ئاگربەست لە غەززە ڕایگەیاند
گوتەبێژی وەزارەتی بەرگریی تورکیا، ئەدمیراڵ زەکی ئاکتورک ڕایگەیاند کە سەرجەم یەکە و دامەزراوەکانی سەربە وەزارەتی بەرگریی تورکیا، بەشدارییەکی گرنگ دەکەن لە بەرقەرارکردنی ئاسایش و سەقامگیریی ھەرێمێی و نێودەوڵەتی.
Ankara
ئەنقەرە ــ AA
وەزارەتی بەرگریی تورکیا خۆشحاڵی خۆی سەبارەت بە ڕێککەوتنی ئاگربەستە ڕاگەیاند کە ڕۆژی ھەینی رابردوو، لەنێوان بزووتنەوەی حەماس و ئیسرائیلدا لە کەرتی غەززە چووە واری جێبەجێکردنەوە.
گوتەبێژی وەزارەتی بەرگریی تورکیا، ئەدمیراڵ زەکی ئاکتورک لە کۆنگرەیەکی ڕۆژنامەوانییدا ڕایگەیاند: "خۆشحاڵین بە ڕێککەوتنی ئاگربەست لە غەززە و پێمان وایە کە ڕێککەوتنەکە، ھەنگاوێکی گرنگە بۆ بەرقەرارکردنی ئاشتییەکی بەردەوام لە ناوچەکەدا".
گوتیشی: "ئومێد دەکەین ئەم ھەنگاوە، ببێتە سەرەتایەک کە دەرگا بۆ ئاشتییەکی گشتگیر، دادپەروەرانە و ھەمیشەیی بکاتەوە و لە کۆتاییدا یارمەتیدەر بێت بۆ بەدیھێنانی ئامانجی چارەسەریی دوو دەوڵەتیی".
باسی لەوەش کرد کە سەرجەم یەکە و دامەزراوەکانی سەربە وەزارەتی بەرگریی تورکیا، بەشدارییەکی گرنگ دەکەن لە بەرقەرارکردنی ئاسایش و سەقامگیریی ھەرێمێی و نێودەوڵەتی.
