هەکاری - AA

بەهۆی هەرەسی بەفرەوە، ڕێگای وشکانیی نێوان هەکاری-چوکورجا داخرا.

دوو ڕۆژە بارینی بەفر لە پارێزگای هەکاری کاریگەرە و، لە نزیک تونێلی ناوچەی دەپین هەرەسی بەفر ڕوویدا.

بەهۆی ئەو ڕووداوەوە تیمەکانی ڕێگای وشکانی و شارەوانی ڕەوانەی ناوچەکە کران و، دەستیان بە ڕاماڵینی بەفری سەر ڕێگاکە کرد.

تیمەکانی پۆلیس، جەندرمە و تیمی ڕێگای وشکانی ڕێوشوێنیان لە ناوچەکە گرتەبەر و تیمەکانی ئافادیش خرانە حاڵەتی ئامادەباشییەوە دژ بە هەر ئەگەرێکی نەخراوزراو.

لە هەردوو بەری شەقامەکە کە نزیکەی ١٠ مەتر بەفر کەڵەکە بووە، ژمارەیەکی زۆر ئۆتۆمبێل لە چاوەڕوانیدان.

قەدری گوندوز کە شۆفێری تانکەری سووتەمەنيیە و لە مووشەوە هاتووەتە ناوچەکە، باسی لەوە کرد کە کەتەکانی بەیانی زوو گەیشتووەتە ناوچەکە و بەهۆی هەرەسی بەفرەوە ناچاربووە چاوەڕێ بکات.

گوندوز ئاماژەی بەوە کرد کە تیمەکان بەردەوامن لەسەر هەوڵەکانیان بۆ کردنەوەی ڕێگاکە.