ئەنقەرە - AA

وەزیری ناوخۆی تورکیا، عەلی یەرلیکایا ئاماژەی بەوە کرد لە ئۆپەراسیۆنی بۆزدۆغان-٢٧دا کە هاوکات لە چوار پارێزگا بەڕێوەچووە، ٣٦ گومانلێکراوی سەر بە ڕێکخراوی تیرۆریستی داعش دەستگیرکراون.

یەرلیکایا لە هەژماری تۆڕی کۆمەڵایەتی ڕایگەیاندووە، "بۆ ئاسایش، یەکگرتوویی و یەکسانی تورکیا، چاو لە هیچ تیرۆریستێک داناپۆشرێت و هێزە ئەمنییەکانیش پێداگرانە بەردەوام دەبن لەسەر خەباتەکەیان بۆ بەرەنگاربوونەوەی تیرۆر".

بە پێی نووسینەکەی یەرلیکایا، لە ئۆپەراسیۆنی بۆزدۆغان-٢٧دا کە هاوکات لە چوار پارێزگای ئیستانبوڵ، ئەسکیشەهیر، ئیزمیر و قەیسەری بەڕێوەچووە، ٣٦ گومانلێکراوی سەر بە ڕێکخراوی تیرۆریستی داعش دەستگیرکراون.

ڕاشیگەیاندووە کە لە ئۆپەراسیۆنەکەدا دەستیش بەسەر کۆمەڵێک چەک و تەقەمەنی و بەڵگەنامەی ڕێکخراوەییدا گیراوە.

وەزیری ناوخۆی تورکیا ڤیدیۆی پەیوەندیدار بە ئۆپەراسیۆنەکەشی بڵاو کردووەتەوە.