لە ئۆپەراسیۆنێک بۆسەر داعش لە قەیسەری سێ کەس دەستگیرکران
لە ئۆپەراسیۆنێکدا بۆسەر رێکخراوی تیرۆریستیی داعش لە شاری قەیسەری، سێ هاووڵاتی بە رەگەز سووری و عێراقی دەستگیرکران.
Kayseri
قەیسەری-AA
لە ئۆپەراسیۆنێکدا بۆسەر رێکخراوی تیرۆریستیی داعش لە شاری قەیسەری، سێ هاووڵاتی بە رەگەز سووری و عێراقی دەستگیرکران.
تیمەکانی یەکەی بەرەنگاری تیرۆر لە بەڕێوەبەرایەتی ئاسایشی قەیسەری لە چوارچێوەی کارکردن بۆ دەستنیشانکردنی چالاکی و کردەوەکانی داعش لە ناوەندی پارێزگاکە ئۆپەراسیۆنی هاوکاتیی بۆسەر چەند ئادرەسێک ئەنجامدا.
لە ئۆپەراسیۆنەکەدا سێ کەسی بە رەگەز عێراقی و سووری بەناوەکانی (ئا.س.ه، ئی.ئە، م.ه.م) دەستگیرکران.
لەکاتی گەڕان و پشکنینی ماڵەکانی ئەو هاووڵاتییە عێراقی و سووریانەی کە دەرکەوتووە چالاکیان بۆ رێکخراوی تیرۆریستی ئەنجامداوە، دەستگیراوە بەسەر چەندین کەلوپەلی دیجیتاڵیدا.
رێکارەکان بەرامبەر ئەو گومانلێکراوانە بەردەوامی هەیە.