ترەمپ: "لە زۆر رووەوە پەكەكە، لە داعش خراپترە"

واشنتۆن - AA

سەرۆکی ئەمریکا، دۆناڵد ترەمپ، گوتی: " پەکەکە لە زۆر رووەوە وەک تیرۆر و ھەڕەشەی تیرۆر رەنگە لە داعش خراپتر بێت".

سەرۆکی ئەمریکا دۆناڵد ترەمپ، لە پاش چاوپێکەوتنێکی دووقۆڵی لەگەڵ سەرکۆماری ئیتاڵیا ، سێرجیۆ ماتارێللا، کۆنفرانسێکی رۆژنامەوانی ھاوبەشیان لە کۆشکی سپی رێکخست.

لە وڵامی پرسیارێکدا سەبارەت بە سەرسوڕمانی دەربارەی ئۆپەراسیۆنی کانی ئاشتی، ترەمپ گوتی: "بڕیارەکەی سەرکۆماری تورکیا رەجەب تەیب ئەردۆغان، ھیچ سەرسوڕمانی نەکردم. ماوەیەکی زۆرە دەیویست ئەم کارە ئەنجام بدات، لە زووەوە سەرباز رەوانەی سنووری سووریا دەکات".

سەرۆکی ئەمریکا، باسی لە کشانەوەی سەربازەکانی وڵاتەکەی کرد لە باکووری سووریا و گوتی: "تورکیا و یەپەگە/پەکەکە ماوەیەکی زۆرە شەڕدەکەن. لە سنووری سوریا-ش شەڕدەکەن. ئێرە سنووری سووریا-یە. من دەپرسم، بۆچی خاکی وڵاتێک بپارێزم (سووریا) کە دۆستمان نییە. سوریا و کوردەکانیش پەیوەندییان ھەیە، ئەوان (پەکەکە/یەپەگە) فریشتە نین".

دۆناڵد ترەمپ، بەڕەنگاربوونەوی وڵاتەکەی لە دژی داعش بەبیرھێنایەوە و گوتی: "لە زۆر لایەنەوە پەکەکە، لە رووی تیرۆر و ھەڕەشەی تیرۆرەوە لە داعش خراپترە".