شەمزینان.. بۆمبێکی چێنراوی پەکەکە پوچەڵکرایەوە

لە چوارچێوەی ئۆپەراسیۆنەکانی بەرەنگاربوونەوەی تیرۆریستانی پەکەکە لە شارۆچکەی شەمزینانی سەربە پارێزگای هەکاری بۆمبێکی چێنراوی پەکەکە دۆزرایەوە و دواتر لەلایەن تیمەکانی پوچەڵکردنەوەی بۆمب پوچەڵکرایەوە.

سەرۆکایەتی ئەرکانی سوپای تورکیا بڵاوی کردەوە کە لە درێژەی ئۆپەراسیۆنەکانی بەرەنگاربوونەوەی تیرۆریستانی پەکەکەدا بۆمبێکی چێنراویان لە نزیک شارۆچکەی شەمزینانی سەربە پارێزگای هەکاری دۆزیوەتەوە.

راشیگەیاندووە کە بۆمبەکە لەلایەن تیمی پوچەڵکردنەوەی بۆمب سەربە سوپای تورکیا بەسەرکەوتووی و بێ زیان پوچەڵکراوەتەوە.