ئەنقەرە - AA

سەرکۆماری تورکیا، ڕەجەب تەیب ئەردۆغان یادی سەرۆکوەزیران، عەدنان مەندەرەس و هەر یەک لە وەزیران، حەسەن پۆڵاتکان و فاتین ڕوشتو زۆرڵوی کردەوە، کە ٦٤ ساڵ لەمەربەر لە سێدارە دران.

لە پۆستێکدا کە لە هەژماری خۆی لە تۆڕی کۆمەڵایەتی بڵاویکردەوە، سەرکۆمار ئەردۆغان ڕایگەیاند: "لە ٦٤هەمین ساڵیادی کوژرانیاندا بە ڕەحمەت و ڕێزەوە یادی سەرۆکوەزیران، عەدنان مەندەرەس و وەزیری دەرەوە، فاتین ڕوشتو زۆرڵو و وەزیری دارایی، حەسەن پۆڵاتکان دەکەمەوە، کە لەلایەن دادگای کودەتای شەرمەزاری ٢٧ی ئایارەوە کە دیموکراسیی، یاسا و دادپەروەری خستە ژێر پێ، بەشێوەیەکی نادادپەروەرانە سزای لە سێدارەدانیان بەسەردا سەپێندرا".