قەرس - AA

دەریاچەی چڵدر کە دەکەوێتە سنووری پارێزگای قەرس و ئەردەخان و، ڕووبەرەکەی ١٢٣ کیلۆمەتر چوارگۆشەیە، بەهۆی سەرماوە سەر ڕووی ئاوەکەی بەستوویەتی.

پلەی گەرما شارەکە بە شەودا دابەزیوە بۆ ١٠ پلەی ژێر سفری سەدی.

بەشەکانی کەناری دەریاچەی چڵدر، کە دەکەوێتە نێوان سنووری پارێزگاکانی قەرس و ئەردەخان، لە نزیک گوندی تاشباشی بەستوویەتی.

لەو بەشانەی دەریاچەکەدا کە نەیبەستووە، مراوی و پەلەوەرەکانی دیکە بەدوای خۆراکدا دەگەڕێن.

ئارزو داشدەمیر، کە خاوەنکارێکی کەنار دەریاچەکەیە، بە ئاژانسی ئانادۆڵوی ڕايگەیاند: "دەریاچەی چڵدر کە یەکێکە لە ناوەندە گرنگەکانی گەشتیاریی زستانە، دەستی بە بەستن کردووە، ئێمەش وردە وردە دەست بە وەرزی کارکردن دەکەین. دوای ماوەیەکی کەم، گالیسکەکانی سەر سەهۆڵ دەست بە چالاکییەکانیان دەکەن".