سه‌ركۆماری توركیا ده‌نگی دا

ئیستانبوڵ – AA

سه‌ركۆماری توركیا، ره‌جه‌ب ته‌یب ئه‌ردۆغان له‌گه‌ڵ خاتوو ئه‌مینه‌-ی هاوسه‌ری له‌ ناوچه‌ی ئوسكودار-ی شاری ئیستانبوڵ ده‌نگی دا بۆ هه‌ڵبژاردنه‌وه‌ی سه‌رۆكی شاره‌وانی گه‌وره‌شاری ئیستانبوڵ.

ئه‌ردۆغان به‌ مه‌به‌ستی به‌شداریكردن له‌ پرۆسه‌ی ده‌نگدان كاتژمێر ١٢:٢٠ گه‌یشته‌ قوتابخانه‌ی ناوه‌ندی ساففه‌ت چه‌بی.

له‌ باخچه‌ی قوتابخانه‌كه‌ش له‌ لایه‌ن هاووڵاتییانه‌وه‌ پێشوازی له‌ ئه‌ردۆغان كرا و دواتر چووه‌ ئه‌و پۆله‌ی سندوقی ژماره‌ "٣٣٠٠"ی لێیه‌ و ته‌وقه‌ی له‌گه‌ڵ سه‌رجه‌م كارمه‌ندانی سه‌ر سندوق كرد. دوای پشكینی ناسنامه‌ی سه‌ركۆمار ئه‌ردۆغان و خاتوو ئه‌مینه‌ی هاوسه‌ری له‌و دیوو كابینه‌كانه‌وه‌ سه‌ره‌تا ئه‌ردۆغان و دواتر خاتوو ئه‌مینه‌ ده‌نگی خۆیان دا و كارتی ده‌نگدانیان خسته‌‌ ناو سندوق.

وه‌زیری گه‌نجینه‌ و دارایی توركیا، به‌رات ئاڵبایراك و خاتوو ئیسرا-ی هاوسه‌ریشی له‌ هه‌مان سندوق ده‌نگی خۆیان دا.