بنزیمە لەئیستانبوڵ لە خوانێکی بەربانگدا لەسەر شەقام رۆژووی شکاند

ئیستانبوڵ - AA

یاریزانی فەڕەنسی بەرەگەز جەزائیری یانەی ریاڵ مەدریدی ئیسپانی، کەریم بنزیمە، بەشداریی لە خوانێکی بەربانگدا کە لەلایەن شارەوانیی ناوچەی فاتیحەوە، لەسەر شەقام سازکرابوو، کرد.

کەریم بنزیمە دوای ئەوەی بە ئاو رۆژووی شکاند، دەستی بە نان خواردن کرد.

لەدوای نزا و پاڕانەوە، بنزیمە لەگەڵ یاریزانە ئەفریقییەکان کە لە ناوچەی فاتیح دەژین، چاویان بەیەکتر کەوت و دواتر ئەو ناوەی بەجێهێشت.

بنزیمە بەر لە ئێوارە خوانەکە، سەردانی سەرۆکایەتی شارەوانی فاتیحی کرد.

سەرۆکی شارەوانی فاتیح، موستەفا دەمیر، لەبەردەم بینای شارەوانیدا پێشوازی لە یاریزانەکەی یانەی ریاڵ مەدرید کرد.

موستەفا دەمیر زانیارییەکی کورتی سەبارەت بە مێژووی ئیستانبوڵ و فەتحکردنی شارەکە دایە بنزیمە.