ئەردۆغان: "تورکیا ٥ ملیۆن پەنابەری داڵدە داوە"

ئەنقەرە - AA

سەرکۆماری تورکیا رەجەب تەیب ئەردۆغان ویڕای رەخنەگرتن لە هەڵوێستی هەندێک وڵاتی ئەورووپی، رایگەیاند: "تورکیا ٥ ملیۆن پەنابەری داڵدە داوە".

ئەردۆغان لە سیمپۆزیۆمی شار و ئاسایش، کە لە ئەنقەرەی پایتەخت ساز درابوو، گوتارێکی پێشکەشی ئامادەبووان کرد.

سەرکۆماری تورکیا، رەجەب تەیب ئەردۆغان سەرەتا روو لە وڵاتانی رۆژئاوا رایگەیاند: "بەڕوون و ئاشکرا دەیڵێم، بڕوا بکەن ئەمە رۆژە خۆشەکانییانە. ئەوانە زۆر کارەساتی ناخۆشی دیکە دەبینن. بۆ؟ ئەوانە هەموو ئەو گرووپە تیرۆریستییانەی کە دژبە ئێمەن و هاوکاری باندە هۆشبەرەکانی ئەو وڵاتانەیش دەکەن، دەپارێزن".

ئەردۆغان گوتیشی: "کەس بڕوا بە دڵسۆزی ئێوە ناکات، خواستی نائارامکردنی شەقامەکانی ئیستانبوڵ لە شەقامەکانی پاریس، لەندەن، بەرلین و نیویۆرک رەنگی دایەوە".

سەرکۆمار ئەردۆغان لەبارەی رێوشوێنە ئەمنییەکان بەرامبەر کردەوەکانی ئەورووپا گوتی: "لەژێر ناوی یاسا، رێکخستنەوە و هێمای ئازادی-دا، شارەکانی رۆژئاوا بەجارێک کراونەتە بەندیخانەیەکی کراوە''.

ئەردۆغان راشیگەیاند: "٢٠٠ بۆ ٢٥٠ هەزار پەنابەر بەرەو سنوورەکانمان دێن. رێکاری پێویستمان گرتووەتەبەر، بەڵام ئاسان نییە" و گوتی: ''ئەو بەهایەی کە دەیدەیتە خەڵکی خۆت و ئەوانەی پەنایان بۆبردوویت، بەواتای ئەوە دێت کە تۆ لە ئاسایش و ئارامیدایت''.

لە کۆتاییدا سەرکۆماری تورکیا گوتی: ''راستگۆیی هەستی مرۆڤایەتی لەلایەن ئەو کەسانە نامێنێت کە بیانییان لە شارەکانی خۆیان ناوێت، لەکاتێکدا تورکیا لە ٨١ پارێزگادا باوەشی بۆ پێنج ملیۆن کەس کردۆتەوە کە چوار ملیۆنیان سوورین".