ئۆپەراسیۆن بۆسەر داعش لە ئەنقەرە

ئەنقەرە - AA

لە ئۆپەراسیۆنێکی میت و ئاسایشی ئەنقەرەدا بۆسەر رێکخستنەکانی رێکخراوی تیرۆریستیی داعش، ٢٥ گومانلێکراو دەستگیرکران کە پێکهاتبوون لە ٢٤ عێراقی و یەک فینلاندی.

بەپێی زانیاری دەستکەوتوو لە هەڵمەتێکدا کە بە هەماهەنگیی بەڕێوەبەرایەتییەکانی هۆبەی بەرەنگاربوونەوەی تیرۆر و هەواڵگری ئاسایشی ئەنقەرە و سەرۆکایەتی میت بەڕێوەچوو دەرکەوت کە ٢٩ گومانلێکراو پەیوەندیان هەیە بە رێکخراوی تیرۆریستیی داعش و ناوچەکانی پێکدادان و لە سووریا لە ناو رێکخراوەکەدا چالاکیان ئەنجامداوە.

لە ئۆپەراسیۆنێکی هاوکاتدا کە کاتەکانی بەیانی لە سەرتاسەری ئەنقەرە لەلایەن تیمەکانی بەرەنگاربوونەوەی تیرۆرەوە رێکخرا، ٢٥ گومانلێکراو دەستگیرکران کە ٢٤یان عێراقی و یەکێکیان فینلاندیە.

دوای ئەوەی کارەکانی ئاسایش لەبارەی گومانلێکراوان تەواوکرا، دەست بە کارەکانی سنوورداشکردنەوەیان کراوە.

لە لایەکی دیکەوە، کارەکان درێژەی هەیە بۆ دەستگیرکردنی چوار گومانلێکراوە هەڵاتووەکەی دیکە.