ئاگری.. مناره‌ی مزگه‌وتێكی ژێرئاوكه‌وتوو دیمه‌نێكی ناوازه‌ی هه‌یه‌

مناره‌ی مزگه‌وتێكی ژێرئاوكه‌وتوو له‌ به‌نداوی یازیجیی ئاگری، سه‌رنجی گه‌شتیارانی به‌لای خۆیدا راكێشاوه‌.

مناره‌ی مزگه‌وته‌كه‌ی گوندی باشچاوش كه‌ یه‌كێكه‌ له‌و شوێنانه‌ی له‌دوای ته‌واوبوونی به‌نداوی یازیجی ژێر ئاو نه‌كه‌وتووه‌ و ده‌بنرێت.

مناره‌كه‌ به‌هاوین له‌سه‌ر ئاوه‌كه‌ و به‌ زستانیش له‌سه‌ر ئاوی به‌ستووی به‌نداوه‌كه‌ دیمه‌نێكی ناوازه‌ی هه‌یه‌ و سه‌رنجی هه‌وادارانی وێنه‌گرتن و گه‌شتیارانی به‌لای خۆیدا راكێشاوه‌.

عومه‌ر ئاككایا كه‌ دانیشتووی گونده‌كه‌یه‌، له‌لێدوانێكیدا بۆ ئانادۆڵو رایگه‌یاند، له‌كاتی دروستكردنی به‌نداوه‌كه‌دا، مزگه‌وته‌كه‌ و چه‌ندین ماڵ ژێرئاوكه‌وتن.

ئاككایا گوتی: "له‌كۆندا لێره‌ 250 ماڵ هه‌بوون، به‌ڵام ئێستا ته‌نها 22 ماڵی تێدایه‌. زۆرینه‌ی گوندنشینه‌كان بۆ ئیستانبوڵ و گه‌بزه‌ كۆچیان كرد".

ئاككایا باسی له‌وه‌ كرد كه‌ هاوینان ئاستی ئاوی به‌نداوه‌كه‌ به‌رزده‌بێته‌وه‌.

ئاككایا گوتیشی: "هاوینان كاتێك ئاوی به‌نداوه‌كه‌ ده‌گیرێته‌وه‌، نیوه‌ی مناره‌كه‌ش ژێرئاو ده‌كه‌وێت. ئێستا مناره‌كه‌ له‌نێو به‌نداوه‌ به‌ستووه‌كه‌دایه‌. به‌م جۆره‌ بووه‌ به‌ یادگارییه‌ك بۆ ئێمه‌. سه‌ردانكه‌رانی ناوچه‌كه‌ هاوین و زستان دێن بۆ بینینی مناره‌كه‌ و وێنه‌ی ده‌گرن".