ئاگری.. به‌فر و ره‌هێڵه‌ هاتوچۆی شۆفێرانی سه‌خت كردووه‌

ئاگری – AA

شه‌پۆلێكی به‌فربارین سێ رۆژه‌ ئاگری گرتووه‌ته‌وه‌، ئه‌مه‌یش هاتوچۆی شۆفێرانی سه‌خت كردووه.

ئه‌م شه‌پۆلی به‌فربارینه‌ به‌یانیی ئه‌مڕۆ له‌ تێپه‌ڕگه‌ی چیای ساچ و ناوچه‌ی چه‌می ساریجان له‌سه‌ر رێگای نێوان ئاگری و ئه‌رزه‌ڕۆم، گۆڕا بۆ ره‌هێڵه‌.

مه‌ترسیی هه‌ڵخلیسكان و كه‌مبوونه‌وه‌ی مه‌ودای بینین، هاتوچۆی شۆفێرانی به‌و رێگایانه‌دا سه‌خت كردووه‌.

ماوه‌ ماوه‌ هاتوچۆی ئۆتۆمبێله‌كان راده‌وه‌ستێت و تیمه‌ په‌یوه‌ندیداره‌كانیش، بێناوبڕ به‌رده‌وامن له‌ تواندنه‌وه‌ی زوقمی به‌ستوو و راماڵینی به‌فری كه‌ڵه‌كه‌بوو.