ناسنامەی دوو لە تیرۆریستان ئاشکرا بوو

ئیستانبوڵ

ناسنامەی دوو لەو تیرۆریستانەی خۆیان لە فڕۆکەخانەی ئەتاتورکی ئیستانبوڵ تەقاندەوە، ئاشکرا بوو.

لە لێکۆڵینەوەیەکدا کە داواکاری گشتیی باکیرکۆی، بەڕێوەی دەبات لە کۆی سێ تیرۆریستی خۆتەقێنەرەوە، ناسنامەی دووانیان ئاشکرا بووە بەناوەکانی راکیم بولگارۆڤ، وەدیم عوسمانۆڤ، لە ئێستادا هەوڵەکان بۆ دەرخستنی ناسنامەی تیرۆریستی سێهەم بەردەوامە.

ناسنامەی عوسمانۆڤ لەو پاسپۆرتەوە ئاشکرا بووە کە داویەتی بە نووسینگەی بەکرێدانی خانوویەک لە ناوچەی فاتیح.

لە نزیک ئەو ماڵەی کە تیرۆریستان تێدا ماونەتەوە و لەناو زبڵدانێکدا کۆمپیوتەرێک دۆزراوەتەوە کە بە بزمار زیانی پێ گەیەندراوە. لە ئێستادا پۆلیس هەوڵ دەدات بە زانیارییەکانی ئەو کۆمپیوتەرە بگات.