بەهای یەک دۆلاری ئەمریکی گەیشتە ٩،٧٣ لیرەی تورکی

ئیستانبوڵ - AA

جارێکی دیکە بەھای دۆلار بەرامبەر بە لیرەی تورکی بەرزبووەوە و لە ئێستادا بەھای یەک دۆلاری ئەمریکی نزیکەی ٩،٧٣ لیرەی تورکییە.

دوێنێ نزمترین بەھای دۆلار ٩،٦٤ و بەرزترین بەھاش ٩،٧٦٨ بوو، لە کۆتاییدا رۆژەکەی بە ٩،٧ لیرە تەواو کرد.

کاتژمێر ١٠:٣٠ی بەیانی ئەمڕۆ بەھای دۆلار بە رێژەی سەدا ٠،٣ بەرزبوونەوەی بەخۆوەبینی و گەیشتە ٩،٧٢٩ لیرە.

لە ھەمان کاتدا بەھای یۆرۆ بە رێژەی ٠،٣٠ ھەڵکشانی بەخۆوەبینی و گەیشتە ١١،٢٥ لیرە، ھەروەھا بەھای پاوەندی ستەرلینی بە رێژەی ٠،٢٥ زیادی کرد و گەیشتە ١٣،١٣٩ لیرە.